"خطة العشر ثواني الاولى من مباراة الاردن والأروجواي"
● في خطة و لا افلام الكرتون
بس شرط تكون ركلة البداية معانا
و بدها تعاون من الجمهور و المذيع الداخلي
اول ما يصفر الحكم ركلة البداية المذيع الداخلي بعطي اشارة للجمهور: بيقح، بيعطس، بيقول يالله، ... الخ
(طبعاً المذيع الداخلي بيكون مفهم الجمهور باللغة العربية الخطة قبل ما تبدأ المباراة)
المهم، اول ما يعطي الإشارة كل الجمهور بيوقف و بيصيح جووول،
بدنا جو هستيري عالمدرجات
بعد الإشارة بنفس اللحظة 4 من لاعبينا بيركضوا نحو الجمهور و بيحتفلوا ... !
هسا منتخب الأرجواي بهاللحظة رح يصيبه انفصام بالشخصية هون باقي لعيبتنا و باقل عدد ممكن من التمريرات لازم يوصلوا مرمى الأرجواي و يسجلوا هدف و بعدين بروحوا ينضموا لل 4 اللي بيحتفلوا قبل الهدف طبعاً
اهم اشي ما تنقطع الهجمة لانه منتخبنا ناقص 4 قاعدين بيحتفلوا و بعدين هات قظب زلم اذا زبطت و سجلنا برجعوا كل لعيبتنا يصفوا على باب الجول لآخر المباراة و الله يستر ...
ليست هناك تعليقات:
إرسال تعليق